الطريقة الصحيحة لعمل حمام زيت لشعرك في المنزل

بما ان حياه شعرنا متعلقه بحمام الزيت يبقى نستخدم حمام الزيت بالطريقه الصح ??
واللى تجيب نتيجة فعلا تستحق فترة الملل اللى بنقضيها تحت البرووكاب ???????هشرحلكم الطريقه بالتفصيل ??

الطريقة الصحيحة لعمل حمام زيت لشعرك في المنزل

أولا :
قبل حمام الزيت لازم يكون الشعر نضيف والفروه نضيفه وناشف

ثانياً :
هنجهز الزيوت اللى هنستخدمها فى حمام الزيت

?ملحوظه ?
ال أول مرة تعمل حمام زيت اغسلي شعرك قبل حمام الزيت..
و اصبري ينشف واعملي الحمام
تاني مرة تعملي حمام زيت،
مش لازم تغسلي طول ما الدهان ع الشعر
_________________________________

? ? الطريقة ????

هنجيب طبق ونحط مقدار ال هنحتاجه لحمام الزيت،
ونجيب طبق تانى فى ميه سخنه ونحط الطبق الصغير
اللى فيه الزيت اللى هنستخدمه لحمام الزيت ويدفى مش يسخن اووى.

ونيجى باطراف صوابعنا وهناخد من الزيت الدافى ونكون مقسمين شعرنا اتنين او اربعه زى متحكمى شعرك،
وع حسب كميه شعرك
?✋ال شعرهم خفيف يمتنعون ???هنقسم فيه ايه!! ? ?
ونعمل مساج لمدة ٥دقايق لحد متحسي ان فروه راسك سخنة ?

???نيجى بقى لأهم خطوة ????

بعد ماتعملى المساج هتقومى قالبه راسك كله لقدام لمده ٤دقايق وتظبطيها على ساعتك او ال ستوب ووتش..

?طب ليه؟!! ?

الحكمه هنا ان هنشط الفروه الدمويه للشعر ونخلى الدم يوصل للبصيلات ويتغذى بالزيوت اللى بتدفعى فيها دم قلبك ومتروحش هدر..
وصدقونى والله العظيم لو اتبعتوا الطريقه دى شعركم هتنبهروا بيه وادعوا للى عرفنى الطريقه دى وادعولى..

وهتحطوا البروكاب و تقعدى نص ساعة
وبعدين تقعدي بحمام الزيت لحد ماتكملي 3 أو أربع ساعات،
ثم تغسلي شعرك بالشامبو العشبي أو الطبي
وتعملي كده مرتين فى الأسبوع

-ال هيقعد ساعة ب البروكاب يقعد بعده ساعة أو اتنين بس

__________________________________________
???بالنسبة التنعيم وكده ???

سواء براشوت أو كوماريكا أو يقطين..
في ناس تخلط شوية زيت مع الزبده،
وتحطها في علبه مع نفسهم.. ?
وفي ناس تعمل اول بأول.. ?
الطريقة ال تريحكم اعملوها ?
تخلطي كمية ازاي وتشليهم،
عادي تسيحي الزبدة وتحطي الزيت ماشي..
تعملي عجين مع نفسك عادي..
تخلطي في الكبه عادي ??
والله كل شيخ وطريقته، اتصرفوا، اخترعوا ✋??والله معكن??
طيب نحط ازاي؟!
ع الشعر اكتر من الفروة، والفروة بسيط عشان تتغذى برضو لأنها التربه أصلا! ?
بس اهم حاجة الشعر نفسه وكده ?
ونكمل نفس طريقة حمام الزيت ال فوق ونعيش اللحظة ??
___________________________________
❌❌❌لا تفعلي ذلك ???❌❌❌❌

1-تعمليش كل ال فوق وبروكاب وبتاع، وتقولي انام بيه، عشان ياخد فايده اكتر
لا انتي بتدمري شعرك بذات نفسك ?✋
زي الزرع ال كتر ميته دِبل ومات!
هو الوقت المحدد الخمس، ست ساعات بالكتير! يعنى لو عملاه من الصبح متناميش بيه لو قبل النوم نامى واغسليه اول ما تصحى

واصلا كتر مكوث الزيت على الشعر مش حلو ?

2-تغسليش شعرك مباشرة بعد البروكاب، غلط جدا
المسام مفتوحه والشعر هتلاقيه بالكوم! ?

3-تسرحيش بعد ما تدلكي شعرك
-تسرحيش بعد ما تشيلي البروكاب
-تسرحيش بعد الغسيل ع طول ☝️

4-?تالت حاجة وأهم حاجة ?

انك تغسليش شعرك وتدوري في المراية على بيبي هير! ? ? ? ?

?اعملي حمام الزيت وانسى، وواظبي، واعملي صح..
وبعد كل شهر شوفي النتيجة،
صوري قبل وبعد،، وبعد ست شهور، احكمي ع المنتج..

عشان الشعر ياخد دورة حياته وبعدين نحكم ?
? ? ? ? ? ? ? ? ? ? ? ? ? ?

?ملحوظة ?

ال مش عنده بروكاب يعمل ايه، يرمي الزيوت!! ?
لا طبعا، الجيش قال اتصرف ??

?.. حضرتك لو عندك سشوار .. ?

تقومي بعد خطوة المساج تلبسي طرحة قطن،
أو كيس بلاستيك،
وفوقها ايس كاب، اي طاقية مقفله كده..

وتقومي زانقة السشوار بينهم،،
وحركي يمين وشمال لمدة عشر دقائق، ومش متواصل،
دخلي وخرجي، وع أقل درجة..

?
انا معنديش سشوار،ايه الحل! ??

كيس برضو يتحط نص ساعة بعد خطوة المساج..
“وتقمري “راسك وتكتميها بطرحة قطن كده ?
وتسخن راسك ثم اقلعيه تقعديش بالكيس ?
ولا بالطرحة ??
شوفوا ايه ناقص واجاوبكم عشان البوست يطولش
—————————————————————
ال معاهم اكتر من نوع، مثلا كيش راني وبايوتك
كيش راني وسيسا..

?اعمليهم تبادل، ده اسبوع مرة والتاني اسبوع مرة ?
ومرتين طبعا في الأسبوع